Qaçqınlar Macarıstan və Serbiya sərhədlərinə hücum çəkdilər – FOTO

Macarıstan polisi macar-serb sərhədinə hücum çəkmiş bir neçə yüz miqranta qarşı gözyaşardıcı qaz və su şırnaqlarından istifadə etməli olub, Oxu.Az Gazeta.ru-ya istinadən xəbər verir.

“Serbiya tərəfdən kütlə aqressivlik nümayiş etdirdi, onlar Macarıstan tərəfdəki polislərə daşlar, butulka və ağac parçaları atmağa başladılar”, - yerli KİV polisin bəyanatından sitat gətirir.

Hücumda 500-ə yaxın insan iştirak edib, onlar macar ərazisinə daxil olmağa cəhd göstəriblər və buna görə də, sərhəddə hasarı silkələməyə başlayıblar.

Bir gün əvvəl Macarıstanda yeni miqrasiya qanunvericiliyi qüvvəyə minib. Yeni qanuna əsasən, sərhəddə nəzarət gücləndirilir.

Sərhədin qeyri-qanuni keçilməsi cinayət məsuliyyəti nəzərdə tutur. Toqquşma nəticəsində 20 polis və iki uşaq xəsarət alıb.

Foto: MARKO DJURICA/Reuters