İrəvan nümayişə çıxıb: “Qalx ayağa Ermənistan” – FOTO

“Qalx ayağa Ermənistan” hərəkatının üzvləri İrəvanın mərkəzində Respublika meydanında səhərə qədər etiraz aksiyasını davam edəcəklər.

Oxu.Az News.am-a istinadən xəbər verir ki, bu barədə avqustun 21-də meydanda mitinq zamanı hərəkatının şura üzvü David Ovannisyan bəyan edib.

“Biz qanunsuz hərəkət edən polisləri, gərgin vəziyyətdə saxlayacağıq”, - o, vurğulayıb.

Növbəti mitinqi fəallar sentyabrın 4-də keçirəcəklər.

Meydanda vəziyyət gərgindir, fəalların polislər ilə qarşıdurması və mübahisələri davam edir.

Xatırladaq ki, “Qalx ayağa Ermənistan” hərəkatının iştirakçıları Respublika meydanında iyulun 27-dən oturaq aksiya keçirirlər.

Onlar elektrik enerjisinin 6,93 dram ucuzlaşmasını, ictimai xidmətlər üzrə Komissiyanın üzvlərinin istehfaya göndərilməsini və “Ermənistan elektirk şəbəkəsi”nin milliləşdirilməsini tələb edirlər.