Neftin son qiymətləri

ICE London qitələrarası birjasında Brent markalı neftin qiyməti 0,35 dollar bahalaşaraq 54,62 dollar olub.

Oxu.Az-ın məlumatına görə, Nyu-Yorkun NYMEX əmtəə birjasında keçirilən elektron ticarət əməliyyatlarının son gedişində WTI neftinin qiyməti 1 barelə görə 0,39 dollar azalaraq 48,06 dollar təşkil edib.

Qeyd edək ki, bir müddət əvvəl Beynəlxalq Valyuta Fondunun (BVF) açıqladığı hesabata görə, 2015-ci ildə neftin orta dünya bazar qiyməti bir barel üçün 59 dollar olacaq.

Bununla belə, Nazirlər Kabinetinin iyulun 13-də keçirilmiş iclasında maliyyə naziri Samir Şərifov neftin qiymətinin aşağı düşməsinin qlobal iqtisadi artıma müsbət təsir edəcəyi ilə bağlı proqnozların özünü doğrultmadığını bildirmişdi.

“Neft və neft məhsullarının 2014-cü ilin ortalarından bəri kəskin aşağı düşməsinin qlobal iqtisadi artıma müsbət təsir edəcəyi barədə beynəlxalq maliyyə institutları tərəfindən verilən proqnozlar (illik 0,5% artım) da özünü tam doğrultmur, bu dövrdə dünya iqtisadiyyatı nəzərəçarpan qeyri-müəyyənliklə səciyyələnir.

Mövcud vəziyyət digər ölkələrlə yanaşı, Azərbaycanın qonşu ölkələrində də mürəkkəb iqtisadi duruma, milli valyutaların qismən dəyərsizləşməsinə, iqtisadi artım templərinin azalmasına səbəb olub”, - deyə nazir əlavə etmişdi.