Hacı İbrahimin şirkəti nazirliyi məhkəməyə verdi

Tanınmış iş adamı, “Xəzər adaları” layihəsini həyata keçirən Hacı İbrahim Nehrəmlinin rəhbəri olduğu “Avesta” konserni Azərbaycanın Vergilər Nazirliyini və Bakı şəhər vergilər departamentini məhkəməyə verib.

Oxu.Az Azərbaycan Ali Məhkəməsinin saytına istinadən xəbər verir ki, vergi borcunun ləğv edilməsi barədə iddia ilk dəfə 2 saylı Bakı İnzibati-İqtisadi Məhkəməsində qaldırılsa da, hakim Rüstəm Kərimli iddianı təmin etməyib.

Daha sonra iddiaçı tərəf Bakı Apellyasiya məhkəməsinə müraciət edib. Bu dəfə hakim Həmid Həmidov qəbul edilmiş aktı qismən ləğv edərək, yeni qərar qəbul edib.

Hazırda işə Azərbaycan Ali Məhkəməsində baxılır.

Vergi borcunun məbləği açıqlanmır.