Şimali Koreyada iş gününün başlanğıcını səhər saat beşə keçirdilər

Şimali Koreyada isti havalara görə iş gününün səhər saat 5:00-də başlanması barədə qərar qəbul olunub.

Bu barədə Oxu.Az Daily NK-ya istinadən xəbər verir.

Nəşrin məlumatına görə, yeni qərar dövlət müəssələri, zavodlar və hətta məktəblərə də aid edilib. İşçilərə səhər saat 5:00-da (əvvəl 8:00-da) işə başlamaq və saat 13:00-da işi yekunlaşdırmaq barədə göstəriş verilib.

Daily NK qeyd edir ki, yeni iş qrafiki artıq çoxsaylı gecikmələrə səbəb oldu. Bundan əlavə, belə iş qrafiki dövlət müəssələrinin tez bağlanmasından vətəndaşlar üçün də xeyli narahatlıq yaradıb. Hökümət isə yuxarıda qeyd edilən bu çətinlikləri nəzərə almayıb.