Gürcüstan Azərbaycana avtomobil ixracını kəskin azaltdı

2015-ci ilin yanvar-may ayları ərzində Gürcüstandan Azərbaycana 2019 ədəd avtomobil ixrac olunub.

Oxu.Az Gürcüstan Milli Statistika İdarəsinə istinadən xəbər verir ki, bu da 2014-cü ilin analoji dövrü ilə müqayisədə 8 908 ədəd və ya 82% azdır.

Xatırladaq ki, 2014-cü ilin analoji dövründə qonşu Gürcüstandan Azərbaycana 10 927 ədəd avtomobil ixrac olunmuşdu.

Ümumilikdə İdarə qeyd edir ki, Gürcüstandan Azərbaycana 37 milyon 901.6 min dollarlıq dəyərində avtomobil ixrac olunub, bu da 2014-cü ilin müvafiq dövrü ilə müqayisədə 83 milyon 801.8 min dollar və ya 69% azdır.