“Qara qızıl”ın qiymətində ucuzlaşma

Nyu-York və London birjasında neft fyuçerslərinin qiyməti ucuzlaşıb.

ANS PRESS-in məlumatına görə, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,81 (1,33%) dollar azalaraq 59,96 dollar təşkil edib.

ICE London qitələrarası birjasında Brent markalı neftin 1 barelinin dəyəri 1,24 dollar (1,90%) enərək 63,87 dollar olub.

Qeyd edək ki, bir müddət əvvəl OPEC açıqlamasında bu il neftin qiymətinin 60-70 dollar arasında olacağını bəyan etmişdi.