Azərbaycanda buğdanın qiyməti bahalaşdı

May ayında kənd təsərrüfatı məhsullarının istehsalçı qiymətləri əvvəlk aylamüqayisədə2,4%, o cümlədən birillik bitkilərin və diri heyvanlar və heyvandarlıq məhsullarının uyğun olaraq 5,4 və 0,7% ucuzlaşıb, çoxillik bitkilərin istehsalçı qiymətləri isə 0,6% bahalaşıb. Balıq və sair balıqçılıq məhsullarının istehsalçı qiymətləri 0,8% ucuzlaşıb.

Bu barədə Oxu.Az-a Dövlət Statistika Komitəsindən bildirilib.

Birillik bitkilərdən lobya dəninin, baş kələmin, xiyarın, pomidorun, baş soğanın, quru otun istehsalçı qiyməti ucuzlaşmış, buğdanın, arpa dəninin istehsalçı qiyməti isə bahalaşıb.

Çoxillik bitkilərdən limonun, şabalıdın, fındığın istehsalçı qiyməti bahalaşıb, gül və tərəvəz şitilinin istehsalçı qiyməti isə ucuzlaşıb.

Diri heyvanlar və heyvandarlıq məhsullarından qoyun və keçilərin qırxılmış yuyulmamış yununun, südün, yumurtanın, diri qoyun və keçilərin istehsalçı qiyməti ucuzlaşıb, mal, qoyun və donuz ətinin (diri çəkidə), diri ev quşlarının, quş ətinin (diri çəkidə) istehsalçı qiyməti isə bahalaşıb.