AZAL prezidentinin yeni köməkçisi təyin edildi

Paşa Kəsəmənski “Azərbaycan Hava Yolları” QSC-nin (AZAL) prezidentinin ictimaiyyətlə əlaqələr üzrə köməkçisi təyin edilib.

QSC-nin mətbuat xidmətindən ANS PRESS-ə verilən məlumata görə, o, iyunun 2-dən vəzifəsinin icrasına başlayıb.

P.Kəsəmənskinin Azərbaycan mətbuatında böyük iş təcrübəsi var. O bu vəzifəyə təyin edilməzdən əvvəl Trend İnformasiya Agentliyinin baş direktorunun müavini vəzifəsində çalışıb.