Cəlal Qasımov “PASHA Holding”də vəzifəyə təyin olundu

“Unibank”ın keçmiş icraçı direktoru Cəlal Qasımov “PASHA Holding”ə təyinat alıb.

AzNews.info “APA-Economics”-ə istinadən xəbər verir ki, C.Qasımov Baş icraçı direktorun müavini, Bankinq Qrupun (Banking Group) rəhbəri təyin olunub.

O, vəzifəsinin icrasına cari ilin may ayından etibarən başlayıb.

Qeyd edək ki, C.Qasımov 2013-cü ilin mart ayında “Unibank”ın icraçı direktoru təyin olunub.

O, bu vəzifədə 2015-ci ilin aprel ayına qədər çalışıb.

Hazırda bu vəzifəni Xalid Əhədov tutur.