Erməni xanımların "qəhvə" qiyamı

Ermənistanda son bir neçə il ərzində qəhvə bazarındakı durğunluq bu ölkənin vətəndaşlarını çox məyus edib.

ANS PRESS-in məlumatına görə, bu barədə kofenin istehsalı, alqı-satqısı ilə məşğul olan "Raffael Contini Trading Company" MMC-nin baş direktoru Raffi Mıxdjyan bildirib.

Müəssisə rəhbəri yaranan vəziyyətə görə gözyaşları töküb və bildirib ki, indi biz qan ağlayırıq. Bunun səbəbləri haqqında danışmaq istəmirəm. Çox acınacaqlı vəziyyət yaranıb. Qəhvə içənlərin çoxu mühacirət edib. Ölkədə adam qalmayıb. Kofe içənlərin gəlirləri yoxdur, pul kisələri bomboşdur. Onlar ən ucuz, istifadəyə yararsız, vaxtı keçmiş qəhvə alımağa maraq göstərirlər.

O, bir maraqlı hadisənin şahidi olduğundan danışıb: "Bir dəfə küçə ilə gedirdim və həyətdə iki nəfərin danışığını eşitdim. Biri digərindən soruşur: "Səndə indi nə qədər pul var? O, cavab verir ki, 200 dram, bu heç çörəyə belə çatmır. Buna heç nə düşmür, heç qəhvənin paketini belə almaq olmaz. Biz kofeni kefimizdən içmirik. Ən kasıblar qəhvəni ona görə içirlər ki, iştahanı azaldır. Yeməyə heç nə yoxdur. İndi Ermənistanda satılan məhsulu təəssüf ki, qəhvə adlandırmaq olmaz".

Təbii ki, bu mənzərə günün reallığıdır və İrəvanda bütün sahələr belədir. Görün, ölkə nə günə qalıb, insanlar aclığın yeni yollarını axtarır, yeməyin olmamasına görə yeni variantlara əl atırlar. Bic ermənilər yemək yeməmək üçün qəhvə içirlər ki, iştahları olmasın. Ermənistan vətəndaşları aclıığa qarşı yeni metodlarına görə Sarkisyandan və onun başbilənlərindən təşəkkür gözləyirlər. Çünki, bu olmasa, yəqin ki, ölkədə qiyam başlayacaq.