İnternetin qiyməti düşə bilər

Azərbaycanda regional DATA-mərkəzin istismara verilməsi internet xidmətlərinin qiymətlərinin aşağı düşməsinə imkan yaradacaq.

ANS PRESS-in məlumatına görə, Rabitə və Yüksək Texnologiyalar Nazirliyi yanında Məlumat Hesablama Mərkəzinin direktoru Nail Mərdanov Trend-ə açıqlamasında belə deyib.

Onun sözlərinə görə, regionda ən iri məlumat işləmə mərkəzinin istismara verilməsi bir çox dünya internet nəhənglərinə, sosial şəbəkə operatorları və digər beynəlxalq kampaniyalara yerli ofislər açmağa imkan verəcək: “DATA-mərkəzdə quraşdırılan serverlər trafik generasiyasını sürətləndirəcək ki, bu da istifadəçilərin kontentə çıxışını asanlaşdıracaq, internet xidmətlərinin ucuzlaşmasına xidmət edəcək”.

Qeyd edək ki, Azərbaycanda regional DATA-mərkəz bu ilin iyun ayında istifadəyə veriləcək.