Zukerberqdən gözlənilməz çağırış

“Facebook”un təsisçisi Mark Zukerberq dünya ölkələrinin hökumətlərini internetin tənzimlənməsində daha önəmli rol oynamağa çağırıb.

CNBC xəbər verir ki, o, tənzimlənməyə ehtiyac duyulan dörd sahənin olduğunu düşünür.

Bunlar zərərli kontent, insanların özəl həyatının qorunması, məlumatların digər platformalara ötürülməsi və seçkilərdə prosesin şəffaflığıdır.

Zukeberq bu sahədə daha standartlaşmış yanaşmaya ehtiyac olduğunu vurğulayıb.