BƏƏ-də vətəndaşların 100 milyon dollar borcu silinəcək

Birləşmiş Ərəb Əmirlikləri 13 bankla ölkə vətəndaşlarının 361 milyon dirhəm (98 milyon dollardan çox-red.) borcunun silinməsi ilə bağlı razılığa gəlib.

Bu barədə Gulfnews nəşri məlumat yayıb.

Bildirilir ki, bu addımın məqsədi bütün ölkə vətəndaşlarının layiqli yaşayış səviyyəsini təmin etmək, habelə sosial sabitliyi maksimal səviyyədə saxlamaqdır.

Qeyd edək ki, 2017-ci ilədək BƏƏ-də borcların ödənilməməsi cinayət sayılırdı. Sonra bu sahədə yumşalma olub. İndi borcları ödəməyən vətəndaşlara cərimə kəsilir.