SOCAR qaz hasilatını azaldıb

SOCAR 2015-ci ilin yanvar-fevral aylarında 1 milyard 89,3 milyon kubmetr qaz hasil edib ki, bu da ötən ilin analoji dövrünün göstəricisindən 17,3% azdır.

Bu barədə Oxu.Az-a Dövlət Neft Şirkətindən (SOCAR) məlumat verilib.

SOCAR-ın məlumatına görə, ümumilikdə cari ilin yanvar-fevral aylarında Azərbaycan üzrə 4 milyard 826 milyon kubmetr qaz hasil olunub ki, bu da 2014-cü ilin yanvar-fevral aylarının göstəricisindən 5,1% azdır.

Məlumat üçün bildirək ki, 2015-ci ilin fevral ayında SOCAR 519,1 milyon kubmetr qaz hasil edib, ölkə üzrə 2 milyard 330 milyon kubmetr qaz hasil olunub.

Qeyd edək ki, Azərbaycanda qaz hasilatının ümumi həcmi 29 milyard 615,3 milyon kubmetr təşkil edib ki, bunun da 7,2 mlrd. kubmetrdən çoxu SOCAR-ın payına düşüb.