Bu il Azərbaycanda orta illik inflyasiya 3,5% olacaq

Avropa Yenidənqurma və İnkişaf Bankı (European Bank for Reconstruction and Development - EBRD) bu ilin yekununda Azərbaycanda orta illik inflyasiyanın 3,5% olacağını proqnozlaşdırır. “Report” bu barədə Banka istinadən xəbər verir.

Qeyd edək ki, Azərbaycan hökuməti ölkədə orta illik inflyasiyanın 2018-ci ildə 3,1% olacağını, 2019-cu ilidə 3,8%, 2020-ci ildə 3,5%, 2021-ci ildə 3,3%, 2022-ci ildə isə 3,3% olacağını gözləyir.

2017-ci ildə isə Azərbaycanda qiymətlər orta hesabla 12,9% artıb.