“Fitch” Azərbaycan bankının yüksək reytinqini təsdiqlədi

Beynəlxalq reytinq agentliyi “Fitch Ratings” Azərbaycanın aparıcı korporativ bankı - “PAŞA Bank”ın yüksək reytinqini növbəti dəfə təsdiq edib.

Oxu.Az agentliyə istinadən xəbər verir ki, bankın uzunmüddətli emitentin defoltu reytinqi (EDR) “B+”, qısamüddətli EDR isə “B” səviyyəsində müəyyən olunub.

Bu reytinq ölkədə 100% yerli kapitala malik olan özəl banklar arasında ən yüksək reytinqlərdən biridir. Bankın son 12 ay ərzində mövcud əlverişli maliyyə göstəriciləri, rahat kapital səviyyəsi və likvidlik mövqeyini əks etdirir.

Qeyd edək ki, agentlik “PAŞA Bank”ın yüksək reytinqini dəyişməz olaraq saxlamaqla bazar üçün sistemik əhəmiyyətini də təsdiqləyir.