Naxçıvanda nağd pullar yoxa çıxacaq

Naxçıvan Muxtar Respublikasında Azərbaycanda ilk nağdsız hesablaşmalar zonası yaradılacaq. Məlumata görə, bu layihənin gerçəkləşdirilməsi Dünya Bankının, Azərbaycan Mərkəzi Bankının və Naxçıvan MR Maliyyə Nazirliyinin dəstəyi sayəsində mümkün olub.

İddialı layihənin məqsədi Naxçıvanın bütün Qafqazda nağdsız hesablaşmalar üzrə liderə çevrilməsidir.

Yeni infrastruktur vətəndaşlara imkan yaradacaq ki, mobil telefonları vasitəsilə alış-veriş etsinlər, hesablarını ödəsinlər və pul köçürmələrini həyata keçirsinlər.

Dünya Bankının ekspertlərinin fikrincə, bu, əhalisinin cəmi 29%-nin bank hesabı olan Azərnbaycan üçün ciddi dəyişiklik olacaq. Eyni zamanda, Naxçıvanda bu göstərici 50% təşkil edir.