Azərbaycandan gedən fəhlələr qiyməti qaldırdı, Rizə çayçılarının işi çətinə düşdü » AzNews.info -Xəbər portalı

Bölmə: İqtisadiyyat, Sosial

Azərbaycandan gedən fəhlələr qiyməti qaldırdı, Rizə çayçılarının işi çətinə düşdü

Azərbaycandan gedən fəhlələr qiyməti qaldırdı, Rizə çayçılarının işi çətinə düşdü

Türkiyənin Rizə vilayətində bu il çayçıların eyni vaxtda məhsul toplaması işçi qiymətinin artmasına səbəb olub. Virtualaz.org saytı Türkiyə mətbuatına istinadən xəbər verir ki, çay toplama mövsümündə çalışmaq üçün Rizəyə gedən azərbaycanlı və gürcü işçilərin gündəlik əməkhaqqı 60 TL artaraq 120 TL-dən 180 TL-ə yüksəlib.

Havaların istiləşməsi ilə bu il çay yığım mövsümü erkən başlayıb. İş adamlarının əksəriyyəti Ramazan ayına görə yığımı tez başa çatdırmaq istəyib. Özəl sektorda fəaliyyət göstərən fabriklər isə qiymətləri aşağı salıb, nəticədə, çay ucuzlaşıb. Bu isə istehsalçıların narazılığına səbəb olub.

Azərbaycandan gedən fəhlələr qiyməti qaldırdı, Rizə çayçılarının işi çətinə düşdü


Hər il çay yığım mövsümündə Rizəyə Azərbaycan və Gürcüstandan işçi gedir, onlar gündəlik məvaciblə işləyirlər. Ötənilki mövsümdə 100-120 TL-yə çay toplayanlara bu il 180 TL ödənilməsi, üstəlik, fabriklərin endirim etməsi istehsalçıları zərərə salıb. Rizədə çay istehsalı ilə məşğul olan Əziz Yazıcı bildirib ki, işçilərin gündəlik ödənişləri hər il 10 TL artır, bu il aə artırılıb. “Bu il daha çox artım olub. Çünki hər kəs eyni vaxtda çay yığımına başlayıb”, - Yazıçı söyləyib.

“Gölge Çay’ın sahibi Məhmət Karaca isə yerli mətbuata bildirib ki, hər kəs eyni vaxtda işçi axtarıb, işçilər isə ödənişləri artırıb. “120 TL olan gündəlik muzd 180 TL-yə qədər yüksəlib. Hər kəs eyni vaxtda “mənimlə işlə, mənim çayımı topla” deyir, nəticədə qiymət qalxdı”, - Karaca söyləyib.

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *