“Bəy-gəlin avtomobili”ni neçəyə sifariş etmək olar? – VİDEO

Gəlin avtomobillərinin icarə qiymətləri ucuzlaşıb. İndi hətta 50 manata da avtomobil sifariş etmək olar.

AzNews.info Xəzər TV-yə istinadən bildirir ki, toy mövsümü başlasa da, gözlənilənlərin əksinə olaraq, gəlin avtomobillərinin icarə qiymətlərində enmə müşahidə olunur.

Halbuki Ramazan ayının bitməsini gözləyən icarədarlar qiymətlərin artacağına ümid edirdilər.

Avtomobillərini toy üçün icarəyə verən şəxslər deyirlər ki, qiymətlərin enməsinin əsas səbəbi restoranlardır. Yəni son dövrlər gəlin və bəyə restoranların özləri avtomobil təklif edir ki, bu da kirayə bazarını zəiflədir.

İcarədarların sözlərinə görə, restoranlar qiymətləri salmaqda davam edərsə, onlar da icarə haqlarını daha da aşağı endirə bilərlər.