Bakı sirki biletlərin qiymətini qaldırdı

Bakı Dövlət Sirki biletlərin qiymətini bahalaşdırdı.

Oxu.Az Fineko-ya istinadən xəbər verir ki, sirkin kassasında biletlərin bahalaşdırılmasına dair qərarın rəhbərlik tərəfindən qəbul edildiyi bildirilib.

“Əgər daha öncə biletlərin qiyməti sıradan asılı olaraq 8, 10 və 12 manat idisə, indi bu qiymətlər 10, 12 və 15 manatdan ibarətdir”, - sirkdən deyilib.

Dekabrın 23-də başlayacaq tamaşaya biletlər artıq yeni qiymətlərlə sirkin kassasında satılır.