Baş bankirdən tam “üzən məzənnə”yə keçidlə bağlı açıqlama

“Hazırda tam “üzən məzənnə”yə keçidlə bağlı işlər aparılır və tezliklə öz proqramımızı ictimaiyyətə elan edəcəyik”.

Aznews.info Report-a istinadən xəbər verir ki, bunu jurnalistlərə açıqlamasında Azərbaycan Mərkəzi Bankının (AMB) sədri Elman Rüstəmov deyib.

E.Rüstəmovun sözlərinə görə, hansısa məmurun pulları yığıb saxlaması ilə bağlı yayılan fikirlər doğru deyil: “Tam “üzən məzənnə”yə keçid çox sıx makroiqtisadi və struktur problemlərinin həll edilməsini tələb edir.

Biz artıq bu ilin əvvəlindən “üzən məzənnə”yə keçmişik. Fevraldan mərkəzi bank öz pulunu hərraca çıxarmır. Amma bazarda tələblə təklif arasında böyük disproporsiya var”.