Mərkəzi Bankın valyuta ehtiyatları azalmaqda davam edir

Azərbaycan Mərkəzi Bankının (AMB) sərəncamında olan rəsmi valyuta ehtiyatlarının həcmində azalma müşahidə olunur.

Oxu.Az xəbər verir ki, bu barədə AMB-nin oktyabr ayının yekunları ilə bağlı açıqladığı hesabatda qeyd olunub.

2016-cı il oktyabr ayının 30-a tənzimləyicinin sərəncamında olan rəsmi valyuta ehtiyatlarının həcmi 4 milyard 5,5 milyon dollar təşkil edib. Bu, sentyabr ayı ilə müqayisədə 3,08% və ya 127,2 milyon dollar azdır.

Ötən ilin analoji dövrü ilə müqayisədə isə AMB-nin sərəncamında olan valyuta ehtiyatlarının həcmində 41,4% və ya 2 milyard 829,1 milyon dollar azalma olub.