Mərkəzi Bankın valyuta ehtiyatları azaldı

Azərbaycan Mərkəzi Bankının (AMB) valyuta ehtiyatları sentyabr ayının sonunda 7 milyard 44,2 milyon dollar təşkil edib.

Bu barədə Azərbaycan Mərkəzi Bankından (AMB) Oxu.Az-a bildirilib.

AMB-nin məlumatına görə, son bir ayda valyuta ehtiyatlarının həcmi 7 milyard 315,4 milyon dollardan 7 milyard 44,2 milyon dollara düşüb. Bu isə 271,2 milyon dollar və ya 3,7% azalma deməkdir.

Qeyd edək ki, sentyabrın 1-nə valyuta ehtiyatlarının həcmi 7 milyard 315,4 milyon dollar, avqustun 1-nə isə 8 milyard 501,5 milyon dollar olub.