Dollar və avro ucuzlaşdı, rublun məzənnəsi isə dəyişmədi

Azərbaycan Mərkəzi Bankı (AMB) manatın oktyabrın 3-nə olan rəsmi məzənnəsini açıqlayıb.

AMB-dən Oxu.Az-a verilən məlumata görə, ABŞ-ın milli valyutası olan dolların məzənnəsi sentyabrın 30-u ilə müqayisədə 0,25% ucuzlaşaraq 1,6170 manat olub.

Avro da manata nisbətən ucuzlaşıb. Avrozonanın vahid valyutası 1,8187 manatdan 1,8166 manata düşüb. Əsas ticarət tərəfdaşlarımızdan biri olan Rusiyanın milli valyutası rubl sentyabrın 30-i ilə müqayisədə dəyişməyərək 0,0257 manat olub.

Türkiyə lirəsinin məzənnəsi isə 0,5398 manatdan 0,5382 manatadək ucuzlaşıb.
Rəsmi məzənnəyə əsasən, 1 ingilis funt sterlinqi 2,1026 manatdan 2,0925 manata düşüb.