Dünya Bankının yeni prezidenti seçilib

Dünya Bankı (DB) Qrupunun prezidenti Cim Yonq Kim (Jim Yong Kim) növbəti 5 ildə də bu vəzifəni icra edəcək.

Oxu.Az xəbər verir ki, Report-un bankdan əldə etdiyi məlumata görə, C.Y.Kim öz vəzifəsinə 2017-ci ilin iyulun 1-dən başlayacaq.

Artıq DB-in Direktorlar Şurası C.Y.Kimin vəzifəsini təsdiq edib. C.Y.Kim WB-də 2012-ci ilin iyulundan işləməyə başlayıb. Onun prezidentliyi dövründə bankın gəlirlərinin 40%-ə qədər artdığı, inzibati xərclərin isə 400 milyon dollara qədər azaldığı bildirilir.

Xatırladaq ki, hazırda bank Azərbaycanda 11 layihəni maliyyələşdirir.