Neftin qiyməti ucuzlaşır

İnvestorların fikirincə, ABŞ-da neft ehtiyatlarının azalması uzun müddət davam etməyəcək.

Dünya bazarında neftin qiyməti açıqlanıb.

Oxu.Az Bloomberg-ə istinadən xəbər verir ki, Bakı vaxtı ilə saat 09:00-a olan məlumata görə, Brent markalı neftin 1 barelinin qiyməti 0,92% azalaraq 49,53 dollara çatıb. WTI neftinin bir barelinin qiyməti isə 0,84% ucuzlaşaraq 47,22 dollar olub.

Dünən səhər saatlarında, Brent və WTI markalı neftin bir barelinin qiyməti müvafiq olaraq 48,60 və 46,20 dollar olmuşdu.

Qeyd edək ki, neftin qiymətlərinin investorların ABŞ neft ehtiyatlarında müşahidə edilən gözlənilməz azalmanın idxalı və ölkə xaricindəki istehsala mənfi təsir edən şiddətli fırtınadan irəli gələn xüsusi bir hal olduğu istiqamətindəki qiymətləndirməsindən sonra azalıb.

“Samsung Futures Inc.” analtiki Hong Sung Ki : “OPEK və Rusiyanın neft hasilatının dondurulması ilə bağlı razılığa gəlməsi ehtimalı çox aşağıdır, amma hasilatın miqdarı üçün konkret bir tavan müəyyən edə bilərlər. Neft ehtiyatlarındakı azalma isə şiddətli fırtınadan qaynaqlanan özəl bir vəziyyət kimi görünür”, - deyib.