Azərbaycanlı iş adamı Rusiyada həbs olundu

Rusiyada “Uxtaneftqazgeologiya” ASC-nin keçmiş baş direktoru, Azərbaycan diasporunun Komidəki liderlərindən olan biznesmen Arif Sayadov barəsində məhkəmə hökmündən hər iki tərəf şikayət verib.

Oxu.Az “kommersant”a istinadən xəbər verir ki, prokurorluq “Uxtaneftaqazgeologiya” şirkətinin keçmiş baş direktoru ilə bağlı verilmiş 4 il azadlıqdan məhrumetmə qərarını həddindən artıq yumşaq hesab edir.

Müdafiə tərəfi isə müttəhimə tam bəraət istəyir.

Arif Sayadov özü də günahsız olduğunu bildirir. Bundan başqa, keçmiş baş direktorda onkoloji xəstəlik qeydə alınsa da, nümayəndələrinin bildirdiyinə görə, o, lazımi yardım almır.

Qeyd edək ki, 65 yaşlı A.Sayadova qarşı bu ilin avqustunda Uxta şəhər məhkəməsində ittiham irəli sürülüb. O, milyonlarla vəsaitin mənimsənilməsi və çirkli pulların yuyulmasında ittiham edilir.

Onun vəkilləri isə qeyd ediblər ki, ittihamlar əsassızdır, söhbət ancaq sənədləşmə zamanı yol verilən səhvlər nəticəsində ortaya çıxan rəqəmlərdən gedir.