Azərbaycanda bankların konsolidasiyası gözlənilmir

“Azərbaycanda bankların növbəti dövrdə konsolidasiyasını gözləmirəm”.

Oxu.Az xəbər verir ki, bu sözləri iqtisadçı-ekspert Samir Əliyev bu gün təşkil edilən mətbuat konfransında deyib.

O həmçinin əlavə edib ki, Mərkəzi Bankın 2012-ci ildə qəbul etdiyi bankların məcmu kapitalının 2013-cü ilə qədər 50 milyon manata çatdırılması ilə bağlı qərarı bankları böhran öncəsi daha da gücləndirib.

S.Əliyev bildirib ki, bununla da növbəti konsolidasiya prosesi ertələnib.

Qeyd edək ki, Azərbaycanda bankların konsolidasiya prosesinə 2008-ci ildə başlanılıb.