Neftin qiyməti 44 dollara düşdü

Bu gün Bakı vaxtı ilə 09:00 olan məlumata görə, ICE London qitələrarası birjasında Brent markalı neftin qiyməti 44,98 dollar olub.

Oxu.Az Bloomberg-ə istinadən xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 43,68 dollar təşkil edib.

Qeyd edək ki, dünən Bakı vaxtı ilə 10:45-ə olan məlumata görə Brent və WTI markalı neftin qiyməti müvafiq olaraq 46,10 və 44,44 dollar təşkil etmişdi.