Banklara borcu olan vətəndaşlar üçün yeni xidmət – VİDEO

Vətəndaşlar banklarla problemlərini antikollektor vasitəsilə həll edə bilər.

AzNews.info-nun ANS PRESS-ə istinadən məlumatına görə, borcunu vaxtında verə bilməyən vətəndaş bank tərəfindən hədə qorxuya məruz qaldığı zaman, antikollektora yaxınlaşmalıdır.

Burada vətəndaşın haqlı olub-olmaması haqqında məlumat dəqiqləşdirilir. Əgər şəxsin hüquqlarının pozulması təsdiqlənərsə, ona hüquqi yardım göstərilir.

Ekspert Əkrəm Həsənov bu xidmətin fəaliyyətinin vətəndaşlara və sahibkarlara borcu ilə bağlı yaranan problemlər zamanı hüquqi köməklik göstərmək olduğunu, onların borclarına əlavə faiz və ya cərimə tətbiq edildiyi, yaxud da borcu qaytarmağa imkanı olmadığı, buna görə hədə qorxu gəlinərək qorxudulduğu halda antikollektorun köməyindən istifadə edə biləcəklərini söyləyir.

Burada şifahi məsləhət pulsuz olsa da, xidmətlər ödənişlidir. Antikollektor şirkətləri də biznes subyekti kimi vergi ödəyicisidir. Hazırda bir sıra inkişaf etmiş ölkələrdə antikollektorlara müraciət geniş yayılıb. Xüsusilə qonşu Rusiyada bu təcrübədən çox istifadə olunur.