Azərbaycanda bank aktivləri azalıb

Azərbaycanın bank sektoru üzrə məcmu aktivlərin həcmi 2016-cı ilin yanvar ayının yekunlarına görə 33 milyard 776,6 milyon manat təşkil edib. Bu isə dekabr ayının yekunları ilə müqayisədə 1 milyard 129,4 milyon manat və ya 3,2% azdır.

Oxu.Az xəbər verir ki, bu barədə Azərbaycan Mərkəzi Bankının (AMB) yanvar ayının yekunları barəsində yaydığı statistik məlumatda qeyd olunub.

Bundan başqa, 2015-ci ilin müvafiq dövrü ilə müqayisədə bank aktivlərinin ümumi həcmi 8 milyard 938,9 milyon manat və ya 36% artıb.