Həsən Həsənova fərdi təqaüd verildi

Azərbaycan Prezidenti İlham Əliyev Həsən İbrahim oğlu Həsənova Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.

Oxu.Az-ın dövlət başçısının rəsmi saytına istinadən verdiyi xəbərə əsasən, H.Həsənova təqaüd Azərbaycanda meliorasiya və su təsərrüfatının inkişafında xidmətlərinə görə verilib.

Sərəncama əsasən, Azərbaycan Respublikasının Nazirlər Kabinetinə bu Sərəncamdan irəli gələn məsələləri həll etmək tapşırılıb.