Kim Çen In sakitləşmək bilmir

Şimali Koreyanın rəhbəri Kim Çen In ölkənin Yer peyklərinin buraxılış porqramını davam etdirəcəyini bəyan edib.

Oxu.Az İnterfaks-a istinadən xəbər verir ki, bu barədə KXDR KİV məlumat yayıb.

“Elmi-tədqiqat fəaliyyətini hərtərəfli inkişaf etdirmək lazımdır, əldə edilən böyük uğuru istifadə edərək daha ciddi qələbələr qazanmaq, daha çox peyk buraxmaq lazımdır”, - Koreyanın Mərkəzi Teleqraf Agentliyi (KMTA) Kim Çen Inın sözlərindən sitat gətirib.

O, fevral ayını 7-də buraxılan süni “Kwangmyongsong-4” peykinin hazırlanmasında iştirak edən heyətin şərəfinə təşkil edilmiş təntənəli qəbulda çıxış edib.

Kim Çen In qeyd edib ki, peykin orbitə uğurla buraxılması “ölkəmizdə inkişafın qarşısını almaq istəyən düşmənlərə hiss ediləcək zərbə idi”.

Dünya ictimaiyyəti və BMT TŞ peykin buraxılışını pisləyiblər. Peykin buraxılması Şimali Koreyaya ballistik texnologiyanın istifadəsi ilə raket buraxılışlarını qadağan edən TŞ-nin qətnaməsini pozaraq həyata keçirilib.

Yanvarda da BMT TŞ qətnaməsini əksinə olaraq Koreya termonüvə sınaqları həyata keçirib.

Hazırda Təhlükəsizlik Şurasında yeni qətnamə üzərində iş gedir, bu qətnamə Pxenyana qarşı daha sərt sanksiyaların tətbiqini nəzərdə tutur.