Sumqayıt şəhərinin büdcəsi nə qədərdir? – RƏSMİ AÇIQLAMA

"2005-ci illə müqayisədə büdcə xərcləri 2015-ci ildə 4,2 dəfə artıb. Son illər ərzində şəhərdə ümumi məhsul və xidmətlər buraxılışının həcmi 2,6 dəfə artaraq 700 milyon manatı ötüb, sənaye məhsulu istehsalı 2 dəfə çoxalıb.”

Xeberle.com xəbər verir ki, bu sözləri Azərtac-a açıqlamasında Sumqayıt şəhər İcra hakimiyyəti başçısının müavini Sahib Quliyev deyib. S. Quliyev bildirib ki, əsas kapitala qoyulan investisiyalar 2005-ci illə müqayisədə 2015-ci ildə 144,5 faiz təşkil edib. Bununla paralel, şəhər əhalisinin sayı da 11,2 faiz artıb: "Orta aylıq əmək haqqı isə 4,5 dəfə çoxalıb. Son 10 ildə şəhər büdcəsi 4 dəfə artaraq 84 milyon manat olub. Bütün bunlar isə şəhərin inkişafının göstəricisidir.”