BP Almaniyada 800 işçisini işdən çıxaracaq

Neft şirkəti BP Almaniyada 800 nəfər işçisini işdən çıxaracaq.

Oxu.Az xəbər verir ki, Almaniyanın Welt nəşrinin məlumatına görə, şirkətdə ümumilikdə 5000 işçi çalışır və onun 1/6-i işdən çıxarılma riski ilə qarşı-qarşıyadır.

BP-nin nümayəndələrindən biri nəşrə bildirib ki, rəhbərlik ilə bu məsələ müzakirə edilir.

“Amma o konkret rəqəmdən bəhs etməyib”, - deyə Welt yazıb.

BP işçilərin işdən çıxarılmasına səbəb kimi isə çətin və rəqabətli bazar şərtləri göstərib.