Azərbaycan qızılı seçir

Britaniyanın The Daily Telegraph nəşrinin xəbər verdiyi kimi, Rusiya neftin qiymətinin enməsi və qərbin sanksiyalarının sərtləşməsi fonunda son aylarda dünya bazarında fəal şəkildə qızıl alır.

Oxu.Az newsru.com-a istinadən xəbər verir ki, Rusiyadan başqa MDB-nin digər ölkələri də, öncəliklə, Azərbaycan və Qazaxıstan da fəal şəkildə qızıl alır.

Nəşrin aşkar etdiyi kimi ümumilikdə, cari ilin üçüncü rübündə dünyanın müxtəlif ölkələrinin mərkəzi bankları tərəfindən 93 ton qızıl əldə edilib.

Nəşr ehtimal edir ki, Moskva bununla Qərb ilə uzanmış iqtisadi qarşıdurmaya hazırlaşır.

The Daily Telegraph-ın fikrincə Rusiya qızıl ehtiyatlarını o cümlədən də, zəifləyən rublun dəstəyi üçün də istifadə edə bilər.

Qızıl üzrə ümumdünya şurasının ekspertlərinin proqnozlarına görə, müxtəlif ölkələrin mərkəzi bankları tərəfindən 2014-cü ildə əldə edilən qızılın həddi dekabrın sonunda 500 tona çatacaq.