Beynəlxalq Bankın Moskva filialına hücum olub? – RƏSMİ

Bu gün səhər saatlarında Azərbaycan Beynəlxalq Bankının Sankt-Peterburq şəhərindəki ofisində Rusiya Daxili İşlər Nazirliyinin Sankt-Peterburq və Leninqrad vilayəti üzrə Baş İdarəsinin İstintaq İdarəsinin iqtisadi təhlükəsizlik şöbəsinin əməkdaşları tərəfindən axtarış aparılıb.

Publika.az xəbər verir ki, bu barədə Rusiyanın fontanka.ru saytı məlumat yayıb.

Məlumatda bildirilir ki, hazırda şöbədə bütün əməliyyatlar dayandırılb.

Beynəlxalq Bankın mətbuat katibi Yadigar Cəfərli isə filiala hər hansı basqının olmadığını bildirib.

Onun sözlərinə görə, hüquq-mühafizə orqanlarının əməkdaşları bankın keçmiş müştərilərindən biri haqqında bəzi arxiv sənədlərinin əldə olunması üçün filiala gəliblər. Hazırda filial işləyir və fəaliyyətində heç bir problem yoxdur.