Neft sürətlə ucuzlaşır

ICE London qitələrarası birjasında Brent markalı neftin qiyməti 1,8% ucuzlaşaraq 43,64 dollar olub. Nyu-Yorkun NYMEX əmtəə birjasında elektron ticarət əməliyyatlarının son gedişində WTI neftinin qiyməti 1 barelə görə 2%-ə yaxın azalaraq 41 dollar təşkil edib.

Bu barədə Oxu.Az hərracların son nəticələrinə istinadən xəbər verir.

Məlumata əsasən, qara qızılın qiymətinin belə sürətlə ucuzlaşmasının səbəbi ABŞ-ın neft ehtiyatları barədə məlumatın nəşr edilməsidir.

ABŞ-ın Dövlət Enerji İnformasiyaları İdarəsinin (EIA) məlumatına görə, ötən həftədən etibarən ölkənin kommersiya neft ehtiyatları 1,1777 milyon barel artaraq 489,4 milyon barel təşkil edib.