Bu da "Halal KFC", amma bir gün sonra haram sayıldı...

Tehranda KFC brendi altında açılmış restoran bir gün fəaliyyət göstərdikdən sonra polis tərəfindən bağlanıb. Polis bağlanmanın səbəblərini izah etməyib.

Yerli jurnalistlərin ehtimallarına görə, bu restoran ABŞ mənşəli brendlə bağlı ola bilər.

İranda brendin istifadəsinə icazə vermədiyini bildirən ABŞ-dakı KFC şirkətinin rəhbərliyi bağlanmış restoran sahiblərinə qarşı məhkəmə iddiası qaldırmağa hazır olduğunu bəyan edib.

Restoran sahibləri ABŞ şirkətinə aidiyyətlərinin olmadığını bildiriblər. Onlar Türkiyədə məşhur olan "Halal KFC" brendi altında işlədiklərini deyirlər.

"Biz Türkiyədəki "Halal KFC" brendinin tərkibiyik. O, müsəlmanlara məxsusdur və müsəlman ölkələrinin bazarlarını hədəfləyir" - deyə restoranın rəhbəri Abbas Pazuki İranın "Tasnim" agentliyinə bildirib.

Abbas Pazuki Türkiyədəki "Halal KFC"-nin "ABŞ-dakı KFC-yə rəqib" olduğunu deyib.

Restoranda ümid edirlər ki, polis öz qərarını yenidən nəzərdən keçirib restoranın açılmasına icazə verəcək