Nazir: Lirənin ucuzlaşması müvəqqətidir

Türk milli valyutası olan TL –nin (lirə) dəyər itirməsi uzunmüddətli deyil, oktyabrdan başlayaraq dolların düşəcəyini proqnoz edirik.

Oxu.Az xəbər verir ki, bu sözləri Türkiyənin İqtisadiyyat naziri Nihad Zeybəkçi Türk mediyasına müsahibəsində deyib.

Onun sözlərinə görə, iqtisadiyyatdan danışarkən ilk növbədə valyutanın azalması ilə əlaqədar mövzulara toxunulur:

“Türk lirəsi iyun ayına qədər dollar indeksi ilə paralel olaraq dəyər itirib, amma iyundan sonra məzənnə ilə əlaqədar negativ bir proses yaşayırıq”.

“Bu müvəqqəti vəziyyətdir. 1 noyabr seçkiləri ilə əlaqədar dəqiq nəticə məlum olduqdan sonra, oktyabrın əvvəlindən dolların düşəcəyini təxmin edirik. TL-dəki spekulyativ marjın yenidən özlüyündə qalxacağını düşünürük” - deyə, nazir əlavə edib.

Qeyd edək ki, Türkiyədə dollar lirə qarşısında bahalaşmaqda davam edir.