Arıçılar uzunmüddətli kreditlər istəyir

Azərbaycanda arıçılar uzunmüddətli kreditlər əldə etmək istəyir.

Oxu.Az Kənd Təsərrüfatı Nazirliyinə (KTN) istinadən xəbər verir ki, bu barədə nazirliyinin heyvandarlığın inkişafı şöbəsinin müdiri Qalib Əbdüləliyev ilə görüşdə ölkənin qabaqcıl arıçıları bildirib.

Onlar bildiriblər ki, son illərdə arıçılığın daha da inkişaf etdirilməsi ilə əlaqədar istehsal olunan məhsulun tədarükü, qablaşdırılması və marketinqinə tələbat artığından uzunmüddətli kreditlərin verilməsinə ehtiyac var.

Görüşdə arıçılıqda mövcud problemlər və onların həlli yolları müzakirə edilib, dövlət tərəfindən müvafiq dəstəyin göstərilməsi üçün arıçılara biznes plan layihələrinin hazırlanması və bu sənədlərin Kənd Təsərrüfatı və İqtisadiyyat və Sənaye nazirliklərinə təqdim etmələri tövsiyə olunub.