Bu da Nigarın J-Lo kimi rəqs etdiyi KLİP – VİDEO

2011-ci "Eurovision" mahnı müsabiqəsində Azərbaycana birincilik gətirən (Eldar Qasımovla birlikdə) müğənni Nigar Camalın (Nikki) yeni klipi yayımlanıb.

ANS PRESS-in məlumatına görə, cazibər müğənni Nikki türkiyəli ifaçı Berksanla duet şəklində ifa etdiyi "Herhalde" adlı mahnısının klipində rəqsləri ilə heç də Beyons və Cey Lodan geri qalmadığını göstərib.

Mahnının söz və musiqisi Berksana, klipin rejissorluğu isə Nihad Odabaşıya məxsusdur.

Klip sosial şəbəkə izləyiciləri tərəfindən müsbət qarşılanıb. Xüsusən, müğənninin rəqsi və imici Cennifer Lopezə bənzədilib.

Qeyd edək ki, kliplə yanaşı, müğənni Türkiyənin "Poll production" şirkətində işıq üzü görən "Herhalde" adlı sinqlını da təqdim edib.