Opera artistlərini daşıyan avtobus qəzaya düşdü: 20 ölü

Çində dəhşətli avtobus qəzası baş verib.

ANS PRESS-in məlumatına görə, çərşənbə axşamı günü səhər saatlarında Çinin Xenan əyalətində ölümlə nəticələnən avtobus qəzası yaşanıb.

Hadisə əyalətin Linçjou şəhərində dağlıq ərazidə qeydə alınıb. Opera truppasını daşıyan avtobusun sıldırım yoldan düşməsi nəticəsində 20 nəfərin həlak olduğu, 13-nün isə müxtəilf dərəcəli bədən xəsarətləri aldığı bildirilir. Bu barədə yerli “Sinxua” agentliyi xəbər yayıb.

Xəbərdə qeyd edilir ki, opera artistləri əməkdaşların daşınması üçün avtobusu icarəyə götürübmüş.

Polis qəzanın səbəblərini müəyyən etməyə çalışır, qəza yerində araşdırmalar aparılır.