Tomas Nevergreen bulvarda çıxış edəcək – VİDEO

Formula 1 Avropa Qran-Prisinə həsr olunmuş möhtəşəm konsert.

Dekabr ayının 19-da Formula 1 Avropa Qran-Prisinə həsr olunmuş möhtəşəm bayram tədbiri olacaq.

Formula 1 yarışının ölkəmizdəki təşkilatçısı olan Bakı Şəhər Halqası (BŞH) Əməliyyat Şirkətindən Oxu.Az-a verilən məlumata görə, bir günlük əyləncə proqramı səhər saat 11-dən açıq olan F1 əyləncə zonasında başlayacaq və axşam saatlarında möhtəşəm konsert proqramı ilə davam edəcək.

Konsert proqramında Röya, Miri Yusif, Zülfiyyə Xanbabayeva və digər sevilən ulduzlar səhnə
alacaq.

Tədbirinin ən gözlənilən sürprizi isə məşhur əcnəbi müğənni Tomas Nevergreen-in çıxışı olacaq.

Saat 20.00-da başlaycaq konsert proqramına giriş sərbəstdir. Sonda isə atəşfəşanlıq olacaq.