Azis yenidən Bakıya gəlir

Bolqar müğənni Azis dekabr ayının 19-da Bakıda konsert proqramı ilə çıxış edəcək.

Oxu.Az-ın məlumatına görə, bu barədə təşkilatçı Samir Xəttab İnstagram hesabında məlumat yayıb:

“Bu konsert qeyri-adi keçəcək. Gözləmədiyiniz sürprizlər olacaq. Sizi konsertin əvvəlindən sonuna qədər möhtəşəm şou gözləyir”.

Xatırladaq ki, bu, Azisin Bakıya ikinci səfəri olacaq. Onun paytaxtda ilk konserti bu ilin iyul ayında baş tutmuşdu. Anşlaqla keçən konsert birmənalı qarşılanmayaraq, uzun müddət medianın gündəmində qalmışdı.

Qeyd edək ki, yeni konsertə biletlərin qiyməti 20-150 AZN-dir.