Məşhur gürcü dizayner Azərbaycanda mağaza açacaq

Məşhur gürcü dizayner Avtandil Tskvitinidze xaricdə mağazalarının şəbəkəsini genişləndirir.

Oxu.Az “Biznes-Qruziya”ya istinadən xəbər verir.

Dizaynerin sözlərinə görə, Azərbaycanda öz mağazasını oktyabrda açacaq, bununla yanaşı o, Ukrayna, Qazaxıstan və Rusiyanın müxtəlif şəhərlərində mağaza açmaq barədə danışıqlar aparır.

“Biz genişlənirik. Bu dəfə biz başqa ölkələrə istiqamət götürmüşük. Biz Ermənistanda mağaza açmışıq, oktyabrda Azərbaycanda bir filial açacağıq. Şəbəkənin genişləndirilməsinə dair təklifləri nəzərdən keçiririk. Bizim Ukrayna, Qazaxıstan və Rusiyanın müxtəlif şəhərlərinin nümayəndələri ilə görüşlər planlaşdırılıb. Moskvada mağazanın açılışına dair danışıqlar gedir”, - Avtandil Tskvitinidze bəyan edib.