Peterburqda azərbaycanlı məktəblilər “McDonald’s”ı yardı

Oxu.az Rusiya KİV-nə istinadla xəbər verir ki, mayın 25-də “McDonald’s” MMC restorana məxsus əmlakın qarət olunması barədə polisə müraciət edib. Ziyan 105 213 rubl (2062 manat) təşkil edib.

Daxili İşlər Nazirliyi baş idarəsinin əməkdaşları tərəfindən Promışlennı küçəsində yerləşən məktəbin 3 şagirdi – 5-ci sinif şagirdi və iki nəfər 6-cı sinif şagirdi saxlanılıb.

Onlardan 1-nin 16, digər ikisinin isə 14 yaşı var. Hər üçü azərbaycanlıdır.

Qarət olunmuş əmlak qismən müsadirə edilib. Oğurluq maddəsi ilə cinayət işi açılıb.

Azərbaycanlı məktəbliləri heç yerə getməmək barədə iltizamla buraxıblar.