Polis bölməsinə basqın edildi

Pakistanda polislər quldurlar tərəfindən qaçırılıblar.

ANS PRESS-in məlumatına görə, naməlum şəxslər Rahimyar - Xan dairəsinin Pəncab rayonunda yeddi polisi qaçırıb.

Pakistanın xəbər agentliklərinin yazdığı məlumatlarda bildirilir ki, 20-ə yaxın qarətçi Kaça rayonunda yerləşən polis bölməsinə basqın edərək əsayiş keşikçilərini aparıblar.

Qarətçilər həmçinin polis bölməsində olan bütün silah-sursatı özlərilə aparıblar.

Ölkənin Polis Departamenti qaçırılmış polislərin axtarışı istiqamətində əməliyyata başlayıb.