Qaydasız döyüş üzrə Azərbaycan çempionatında idmançı öldü

Bu gün Hövsan Olimpiya Mərkəzində ölüm hadisəsi qeydə alınıb.

AzNews.info ANS PRESS-ə istinadən xəbər verir ki, Suraxanı rayonu 30-cu polis bölməsindən verilən məlumata görə, dünyasını dəyişən idmançı 27 yaşlı Ramin Zeynalov Quba rayonundan olub.

Polis bölməsi Qubanı təmsil edən idmançının döyüş vaxtı öldüyünü təsdiqləyib.

Belə ki, ölüm faktı Hövsan Olimpiya Mərkəzində qaydasız döyüş üzrə keçirilən Azərbaycan çempionatı zamanı baş verib.

Ölümün səbəbinin meyitin müayinəsindən sonra bəlli olacağı bildirilir.

Qeyd edək ki, ölüm hadisəsi bu gün saat 16 radələrində Hövsan Olimpiya Mərkəzində qeydə alınıb.